2015年6月24日 星期三

從跑步機上到大街小巷

天氣不似預期,
被困在冷氣房享用跑步機好幾天。

昨天回到街上,
還是覺得跑街好。

走在路上,看看四周,
你總是會發現一些平時察覺不到的。
遇上一些特別的。

走在路上,
你又會回憶起那些年在那路上發生過的遇過的某某。 
有時候心是有點痛,
因為那些片段總在未來得及知會你的情況下統統跑了出來,
但跑過了,就捱過了。
回憶不會磨滅,
但總有放下的一天。





2015年6月18日 星期四

至少我活過


最近朋友見面時,都對我說︰「你變了第二個人。」
或是︰「明明你以前踢都唔郁架喎。」
或是︰「你做乜多左咁多朋友﹖」
或是︰「其實你唔好再跑,你睇你又黑咗。」
或是︰「你仲跑做乜,你已經瘦到似非洲人,唔使再減了。」
家人會說︰「點解要攞苦來辛玩馬拉松﹖你睇每次都有人死架,你咪玩tim呀!」

乜跑步一定係為減肥?
你覺得跑步辛苦,我夠覺得坐喺度煲劇好辛苦。
馬拉松有風險,平日搭車發生車禍的風險咪仲大.....

只係,每個人每個階段做唔同的事情。
每個人有不同的選擇。
我揀咗一樣令自己開心的事去做。
趁著還算年輕 (隨便嘲笑吧) 沒有負擔,
朝著一個目標去。
旁人或會笑我笨,
但至少老了我不會為未曾笨過而後悔。

黑白肥瘦又何干﹖
我又不會一世做瘦骨仙,
況且我很感恩我肥過。
不跑步也不會白得去邊,
肥美又好黑柴又好最終都是會歸塵土。

無錯,我以前真係踢都唔郁,我試過喺公司伏在枱上三粒鐘令同事以為我死左。
人人都有過去,
未來那管是一秒之後發生什麼事都無人知道,
我希望在人生的每個moment都在做自己享受的事,
目標不一定最遠大的那個,
但至少我活過。